الزــــــــــــــــفة..

تـم الزواج.. ولله الحـمد..

كانت الزفة حلوة.. والترتيب حلـو.. مع إنه في بنات.. ما ترتبوا معنا من البداية..
ولا هـم عارفين ترتيبنا للزفة.. بس الحمد لله.. ضبطوها..

كانوا 5 بنات.. ووحدة  اقترحت انهم يصيرون بالصف.. بين الـبنات الي عارفين ترتيب الزفة..
وفعلا.. صار هيك.. ومشت الزفة تمام التمـام..

كنت بصور المبـاخر وباقات الورد.. والفــوانيس.. قبل اروح للقـاعة..
بس ما امدــى الوقت..

طـبعا فكرة.. الكاميرا.. شلـنا نظر عنها.. بعد ما سمعـنا عن اهل المعرس..
إنهم فضايحيات.. خفنا.. ننكشف.. خخخخخخخخخخخخخ وبرضه العروس..
قالت: من ترك شيئا لله.. عوضه خير منه..
والله يعوضها خير.. يارب..

أول ما دخلنا القاعة.. انصدمنا.. باهل المعرس.. واستقبالهـم..
من انتم.. وش إلي بالاكياس..
وليه معكم باقات.. وهذا وشو له..؟

البداية كانت مـحطمة.. وانا وخواتي.. ندعي.. يارب تعدي ع خير..
خاصة ان اخت المعرس.. واضح عليها ان النفسية زفت.. والتفكير.. متحجر.. ولا تعرف تتعامل مع الناس..
تشوف البشر.. اقل منـها.. 

سألنا عن الغرفة.. الي للعـروس.. قالت: ليه لهـا غرفة.. قلنا وين تجلس.. وتصور.. قبل الزفة..
طالعت شوي.. قالت: مدري.. في غرف هناك.. اختاروا وحـدة..

مشينا للغرف.. وسط القـاعة.. كنا 4 وشـايلات الاكياس.. والباقات..
اثاري اخت المعرس.. تتبعـنا.. ولا انتبهـنا لهـا.. وقفنا بالممر إلي فيه الغرف..
ولا ندري اي غرفة ندخل.. انتهبت اختي سلـمى لاخته.. وقالت: اي غرفة..
قالت: بكيفكـم.. قالت: اجل بنختار ابرد وحدة..
ودخلـنا ابرد وحدة.. كانت صغيرة.. بس بااااردة.. وفيها مرايات ع كبر الجدار..
نزلنا الاكياس..
كانت سلـمى عند الباب.. وحركـته بيده.. وهي تنزل الاكياس.. إلي معـها..
الاخت اخت المعرس.. طلعت مسنترة.. عند الباب..
ما درينـا لهـا.. اختي تقول اسمـع صوتها.. بس ما ادري.. ليه تهاوش..

اثاري الاخت تهاوش اختي.. ع تحريكها للباب.. واختي ع بالهـا تهاوش المبزرة..
إلي عنـد الباب..
بالاخير انتبهت لهـا.. اختي إلي العروس.. اخت زوجـها..
قالت لهـا.. وش فيها.. الاخت ما ردت.. ع اختي ذي.. تطالع لسلمـى وتتكلـم..
وسـلمى تحوس باكياسها.. لما نبهتها اختي ام رهف..
قالت: وش فيك.. قالت: شلون تسكرين الباب وانا واقفة.. قالت: ما شفتك..
قالت: ما شفتيني.. انا ما شفتيني.. قالت سلمى.. ايه ما شفتك..
قالت: من انـتم..؟ << للمرة المليون هالسؤال..
قالت اختي: انا زوجة اخو العروس.. قالت: آها.. اسفين اجل..
ووقفت بنص الغرفة.. انا افتح السـلال.. واوزع الورد.. اسمع كلامـهم..
بس مش فاضية.. ع بالي بتطلع.. رفعت رأسي إلا هي بنص الغرفة واقفة.. وتطالع لنا..
انا واختي نورة..

اخيرا قالت: نورة.. من انتي..؟ < < متعمدة..
قالت: كل هالــزين ولا عرفتوني انا اخت المعرس..
طالعت لي.. تبيني اتكلم.. وش اقول لهـا.. وين الـزين.. اصلا..

قلت: طيب حصل خير.. قالت: نعم.. قلت حصصصصصصصصصصصل خير..
قالت: ايه حصل خير.. وتطالع لي واطالع لها.. وطلعت..
وسكرت سلمى الباب بقـوووووووووووة..

دقيقتين.. وجت بنات خال العروس.. ومعنا بالغرفة.. وقلنا لهم ع الي صار..
قالوا حنا صار لنا اكثر.. مع اننا خوياتـها.. بس قالبة النفسية عليـنا..

مرت الدقايق.. كنها ساعات.. من الطفش.. بعد نص ساعة تقريبا جت العروس..
ولعـنا ع الفحـم.. رتبنا البنات.. وبدأت اغنية الافتتاحية.. فجأة جت الغولة..: في موسيقى..
قلنا لا.. قالت: إلا.. قالت نورة.. هذي مؤثرات.. مش موسيقى..
العروس كانت منزلة رأسـها.. ولا تدري.. من إلي يتكلم.. قالت: من ذي..
الغولة.. صرخت بصوت عالي ورفعت اصبعـها.. وقالت: من ذي.. انا ......... ما تعرفيني..
انا..... تعرفين من ............ واصبعـها بين عيون العروس.. والعروس ترجف.. وانا ماسكة يدها..
واطالع لاختها الي مقابلتني.. تمنيت.. اني اختها.. والله لاكسرها اصبعـها..
بس ما اقدر وش دخلـني.. لو يصير مشكلة بسبب تدخلي.. انا المسؤولة.. وفضيحة علي..

مشت الزفة.. تمام.. بس كل شوي تجي تتدخل ونصرفها..
ع منصة الزفة.. جت الغولة لي ولخواتي وقالت: انزلوا.. من المنصة..
انا صديت.. عنها.. ولا كأني اسمعـها.. خواتي نزلوا.. درء للمشاكل.. معـها..
بعدها بشوي طلعـوا للمنصة.. خخخخخخخخخ بس بجهة ثانية..

زفة الوداعية من اغنيتين..الاغنية الاولـى مدة دقيقتين.. والثانية.. 8.. يعني 10 دقايق..
المشغلة حطت الاغنية الاولـى.. وقبل نهايتها.. حطت اغنية طقاقة.. مالها علاقة..
رحت لها.. لقيت الغولة واقفة بجـنبها.. وقلت: وين زفة الوداعية.. قالت الغولة: انا اخترت ذي للوداعية..
قالت: اختيارك حلو مثلك..
نزلت.. وانا ازغرد.. من القهر.. والتمني اني اخت العروس..

طبـعا.. قلبنا الزفة.. تصفيق.. ورقص.. تماشيا مع الاغنية..
بدال الترتيب ع المشية الهادئة.. مع الفوانيس والباقات..
الا جت الغولة.. ووقفت قدام العروس.. ترقص.. ووقفت الزفة.. عشان هالرقصة..
ومعطيها العروس ظهر.. ولفت وانتفت من مسكـة العروس وردة.. وحذفتـها..
ونتفت الثانية.. قلت لاخت العروس: روحي لهـا.. وش ذا.. قالت: شسوي..
بغيت افرمها.. بس فعلا شتسوي هي من اول ما وقفت ذي عند حدها.. يعني فرعنتها بسكوتها..
من البداية..
وعند نهاية الزفة.. قلنا للعروس تحذف المسـكة.. وحذفـتها.. للبنات..

دخلنا العروس للغرفة.. وانفجرت علينا.. خلاص ما ابي.. شلون اعيش مع هالهـمج..
شلون اعيش.. نحاول نهديها.. عديها يابنت هي ليلة وعدت..
فجـأة سلمى ودلال<< اخت العروس.. يزغردون ويصفقون..
التفت الا الغولة جاية.. اثاريهـم عشان يغطون ع صوت العروس.. وهي تصارخ ما تبيهـم..

عدت الزفة.. ولا عدت..
المعرس.. يبي يدخل يأخذ عروسه.. وامه طردته.. حنا نطلعـها.. لا تدخل.. رح للسيارة..
وقالت لام العروس.. لا تجوننا بكرة.. ترا العرس اليوم.. خخخخخخخخخخخخخخخخخخخخخخخخخخخخخخ
بدعة هالعالـم..
،،


قهرني ضعف خوات العروس.. خاصة إنه قبل الزفة بيوم.. سوت معهم موقف بايخ..
لو انا مكانهـم.. تهاوشت معـها.. وعرفتها من انا..
صارت لي مواقف شبيهة.. بذا.. بزواجات خواتي.. بس عرفت خوات المعرس من انا..
لـكن.. الي تعاملت معـهم.. افضل من هذولا بكثير.. رغم مساويئهـم.. وتعاملهم الزفت..
،،


الله يعينـها عليهـم.. ويسخر لهـا زوجها بالمعروف.. يارب..