زواج..

ألف الصلاة.. والسـلام عليك.. ياحبيب الله.. محـمد..

كللللللللللللللللللللووووووووووش..
،،



يوم الاربعـاء.. 26/11/ 1431هـ..

زواج.. اخت زوج اختي..
من اسبوع.. وانا اجهـز لزفـة هالزواج.. واضبط اغراض الزفة..

العروس.. طيوبة.. وحبوبة.. وتستاهل من يتعب لها.. الله يسعدها.. ويهنيـها..

كسرت خاطري.. كل ما قلت لها.. عن الزفة.. وإلي جهزته..
قالت: تخيلي كل هذا.. بدون تصوير..

لان العريس.. منع التصوير.. بسبب اخـته.. إلي رافضة التصوير..
بعذر مش مقنع.. التصوير.. تعقيد.. لازم يتغطون الحريم..
ولا نتحرك براحة.. لاننا عارفين.. أن فيه كاميرا..!!!!!!


يعني شغل الحموات.. وخوات الزوج.. بدأ قبل تدخل بيتـه.. الله يصبرها.. ويكون بعونـها..
حاولت.. اخليـها تقتنع بالامر.. ولا تتضايق.. وان التصوير.. حاجة ثانوية.. مش مهمة..
ما اقتنعت.. تقول: كيف اشوف زفتي.. ابي اعرف.. شلون كانت..
ودي اشوف.. من رقص.. ومن زغرد.. ومن صفق.. وبشوف نفسـي وانا لابسة الاكليل..
ومعي مسكتي.. يعني اتكلف.. بالفستان وبالمسكة.. وبالمكياج.. وانزلهم بعد ساعتين..
ولا لهـم ذكرى.. اشوفهـم.. كيف بناتي بعدين.. يشوفون زفاتي.. وكل صديقاتهم..
شافوا زفات امـهاتهـم..

أنقهرت ع زوجها.. شدخل زوجتك.. باختك..
ليه تنحرم.. من ابسط شيء.. عشان اخته ما تبي الحريم يتعقدون.. بالغطوة..


جت ببالي.. فكرة.. ولما قلت لها.. عليها.. قالت: الله يبرد قلبك..
وبعد كلمتـها.. زدت اصرار ع تطبيقـها..

اختي عندها كاميرا.. صغيرة.. تصور فيديو مدة ساعة وشوي.. بدون فلاش..
الكاميرا صغيرة.. تقريبا بحجم علبة الشدو.. وإلي يشوفها..
بيتوقعـها علبة مكياج..

اقترحت.. اني اخذ معي سلة.. واعبيهـا ورد.. وتحت الورد الكاميرا..
ومن بين فتحات السلة.. اضبط زوم الكاميرا.. والصقها.. واحط فوقها كرتون..
والبس الكرتون بدانتيل.. واحط فوقـها الورد.. ومعها مرايا.. صغيرة..

وامشـي قدام العروس.. وانا معطيتـها وجـه.. وارقص ع نغمات المشية..
حقت الزفة.. بهدوء.. والكاميرا.. بالسلــة.. تصور..

استعديت لـها.. وجهزت الاغراض.. باقي بس ارتبـهم..
والصق الكاميرا.. وهذي بسويها.. بيوم العرس..

يارب تضبط معي.. ولا احد يكشــفني..